Recording & Soundmix: MARIO BAUMANN (Strange Fruit Recordings)

© 2014 - MURPHY LEFT

...

I mine Auge lid din Blick
und i mim Lache lid din Zorn
und i mim Strahle all die Tage wo mer hend gah
und us mim Muul chömed dini Wort
und us mim Rache chund dies Lache Alte yeah!

Chum, chum mer lönd eus la gah
eifach alles la stah
wo da no astaht hey da gaht no meh
chum nume du und ich
denn simmer scho zwo
oh und was wetsch no meh?

Chum, nume no die Nacht
nume no bis morn
und alles was astaht gämmer da ade Garderobe ab
oh mis Härz schlaht höch
viellicht lids a dir oder am Bier
aber wenns liecht hie agad sind mir beidi no da

Und schritet us im frühsche Früehligsmorge
nämed es Kaffi um de Egge
und gönd go alti Zecke wecke
oh weisch das nöd
nume du und ich
und mir chunds vor als wäris nach wie vor no so
wenn ich dich gsehn nach langem da

I mine Auge lid din Blick
und i mim Lache lid din Zorn
und i mim Strahle all die Tage wo mer hend gah
und us mim Muul chömed dini Wort
und us mim Rache chund dies Lache Alte yeah!

Mer gsehnd üs würkli nüme oft
aber immer wenn ich in Spiegel luege
de gsehni hie und da no es Stückli Ma vo dir
ich bin eis us vielne Einzelteili woni gfunde han
und die vo dir sind mir scho ganz ganz ganz ganz lieb

I mine Auge lid din Blick
und i mim Lache lid din Zorn
und i mim Strahle all die Tage wo mer hend gah
und us mim Muul chömed dini Wort
und us mim Rache chund dies Lache Alte yeah!